SOCIAL MEDIA

             

Aj kay dur main social media ek aisi taqqat ban gaya hai jis say puri duniya ko hilaya ja sakta hai. Chand seconds main he ek konay sy dusray konay khabar pouchan jati hai. Ek aam insan koi bhe aisi cheez jis sy loug uski taraf matawaju hotay ho social media pr daal ker mashoor hoskta hai. Chahay wo achay main ya buray. Maazi main kuch saalon sy yahe dekhnay main aya hai social media ki awaam jisko chahay hero bana day aur jisko chahy zero. Yahan dono he bantay zara bhe waqt nahi lagta.. haal he main raato raato mashoor honay wala chai wala to sab he ko yaad hoga. Islamabad main ek larki nay uski picture social media pr dali aur wo is qadar kahin dino tak social media ki zeenat bani rehi k usnay Pakistan sy bahir bhe apna jadu jaygaya. Isi tarah coke studio main Rahat Fateh Ali khan kay sath Afreen Afreen gaana ganay wali Momina Mustehan bhe social media pr chand dino main itna mashor hui k unkay followers ki tadad hazaro sy lakho tak pouch gayae. Par jab unkay dusray ganay ai to unhe tanqeed ka bhe nishana banaya gaya. Isi tarah social media par ek aam si video dalnay par dhoom machanay walay sabzi wala bhe koi bhula nhe sakta k jiski awaaz nay logon ko apni taraf keecha aur kuch he dino main wo tv channels pr mehman e khasosi tha. Do jorwa behanian justin b ka gana ga kr is qdar maqbol hui k unhe rozgaar bhe mil gaya. Social media pr kahin loug mashor huye aur unhe faida hua par wahin kahin aisy bhe loug hain jo social media pr mashor to huye pr unhe tanqeed ka nishana bana kr unka mazaq banaya gaya to kahin bar unhe buray buray lafzon sy nawaza gaya un par kahin comics banai gayae. Jin main Ramzaan main ana wala ek add tha jiska dialogue itna maqbol hua k har shakhs ki zuban pr kahin dino tk wo chara tha "excuse me ap bhe? Phr bhe wo usny is tarah k ads banana nh choray. Naa he us admi ko tanqeed ka koi asar hua. Wahin dusri taraf Eye to eye par muqboliyat panay walay Tahir shah ko bhe khub nishana banaya gaya. Phir bhe unhonay apna dusra son Angel release kia to sarhad par India tak main uska asar dekha gaya. Logo ny apni souch ka izhar kia jismain bharti artists nay us p video banai to kisi nay Twitter pr Kashmir ko mazu banatay huye Pakistan k hawalay karnay ka kaha. Isi tarh Ramzan main Qandeel baloch ki videos nay social media pr ek naye behas chir di thi. Par unhony apni video banana jari rakhi aur Apny he Bhai k hatho Qatil krdi gae. Social media wahin kahin Logo ko asan tareen maqboliyat ka platform faharam karaha hai wahin kahin ek sawal bhe chor raha hai kia mehnat kr k kuch Hasil karnay walo ko social media pr ana lazmi h. ? Jo loug kahin saalon ki mehnat k baad bhe wo izzat wo shourat hasil nhe kar patay wo chand he seconds main kuch bhe kar k maqbol hujai to asal mehnti insan aur uska talent kahin chupp kr reh jata hai? Kiya khud ko manwanay k lie social media pr logo ko dekhna zarori hai??? Kya hume apny salahiyaton ko dikhane k liye social media ka sahara lena parega?

   

   

Bat sari ye h k ab iska hmari society me trend chal gya h jo boht tezi k sath phel raha hai. Log time pass krne k liye social media istemal krte hain sbne isko apni zindagi ka hissa bnalia hai. Har cheez k do pehlun hote hain aik positive or dosra negative. Isi trha social media b  boht sare faide hain lkn agr iska istemal had sy ziada barh jaye tw wo humare liye nuqasandy hoskta hai aur horha hai.

Log khud ko mashor krne k liye social media ka sahara lete hain qk unko koi idara chance nh deta r social media aisa platform hai jahan kisi b chez ki koi pabandi nhi or log nayi r dilchasp chezen dekhne k liye social media use krte hain phr usko like aur share b krte hain.

Social media aisa platform h jisky zariye log apas me asani sy bat krskte hain aur informative cheez share kr k dosro tk pohncha skte hain lekn yahan boht log iska ghlt faida uthate hain. Ajeeb pictures videos share krte hain jisme hmari society per bura asar par rha hai r log achi chezon k bjaye in sb chezo me involve horhy hain.Logo ko chahye k is platform ka sahi istemal kren r is sy apna nuqsan krne k bajaye aise koi kam kre jis sy khud ko r hmari society r society k logo ko faida pohnch ske or aise logo ko famous hona chahye jinme waqi koi qabilyat or koi hunar ho.